Euskal Filologia (1999) ikasi ondoren, Testuak Editatzeko eta Argitaratzeko Graduatuondoko Ikastaroa (2000), Itzulpengintza ikastaroa (2001), Diseinu grafikoa (2001) eta «Eusko Ikasketak: Giza, Gizarte eta Natur Zientziak» graduondoko ikastaroa (2012) egin nituen, besteak beste. 2001ean itzultzaile eta editore lanetan hasi nintzen, eta ordutik hona zenbait argitaletxe eta arte grafikoetako enpresa askorentzat egin dut lan, baita maketatzaile eta zuzentzaile gisa ere.

Literatura (eleberria, saiakera, antzerkia eta poesia) eta era guztietako testu humanistikoak eta ikus-entzunezkoak itzuli ditut. 2025ean DoSEL proiektuan parte hartu nuen, eta Jeton Neziraj egile kosovarraren antzezlan bat euskaratu nuen.

Itzultzailea eta zuzentzailea izateaz gain, idazlea naiz. Orain arte hamar liburu baino gehiago argitaratu ditut euskaraz eta gaztelaniaz (horietako bi Euskadi Literatura Sarirako izendatuta egon ziren), eta hainbat hedabidetarako artikuluak idazten ditut (Uberan, 31 eskutik bloga…).

2024an eta 2025ean Radio Euskadiko Pompas de papel saioan kolaboratu nuen; bertan liburuak gomendatu nituen eta «Cartas para Berlín» asteroko atalaz arduratu nintzen.

Loturak

Webgunea

Wikipedia